معهد فتيات مطوبس الثانوى
انت غير مسجل لدينا برجاء التسجيل لكى تتمكن من المواصلة معنا


معهد فتيات مطوبس الثانوى
 
الرئيسيةمكتبة الصورالأعضاءالمجموعاتالتسجيلدخول
دخول
اسم العضو:
كلمة السر:
ادخلني بشكل آلي عند زيارتي مرة اخرى: 
:: لقد نسيت كلمة السر
المتواجدون الآن ؟
ككل هناك 1 عُضو حالياً في هذا المنتدى :: 0 عضو مُسجل, 0 عُضو مُختفي و 1 زائر

لا أحد

أكبر عدد للأعضاء المتواجدين في هذا المنتدى في نفس الوقت كان 15 بتاريخ الأربعاء 3 يوليو 2013 - 2:31

شاطر | 
 

 تعالى اعرفى معنى الانوثة

اذهب الى الأسفل 
كاتب الموضوعرسالة
sondos

avatar

عدد المساهمات : 11
تاريخ التسجيل : 19/03/2010

مُساهمةموضوع: تعالى اعرفى معنى الانوثة   الجمعة 23 أبريل 2010 - 19:26

::: معاني الأنوثة :::


الأنوثه مش بإنك .. تهوسي عقل الشباب

الأنوثه هي إنك .. تحمي نفسك م العذاب

الأنوثه شئ وكامن .. جوة منك وانتي باب

استري نفسك بعقلك .. والبسي فرضك حجاب

إوعى تتميعى بكلامك .. أو تقولي دول صحاب

تبقي تستهلي اللي يحصل .. والسؤال ملهوش جواب




الأنوثة مش مجرد .. حبة أحمر ع الشفايف

الأنوثة مش فى إنك .. تهوسي عقل اللي شايف

خافي من المولى اللي خلقك .. حتى منه الكل خايف

ابعدي عن كل شبهة .. أمهاتنا كتير عفايف



الأنوثة نعمة غالية .. ربنا اللي اداها ليكي

وبإيديكي تحفظيها .. أو تضيع من بين إيديكي

احمدى ربك تملـّي .. واشكرى نعمه عليكي

اوعي تختالي بجمالك .. كله زايل من عنيكي



خلى صورتك جوه قلبك .. وامنعي الناس م الكلام

ولا تاخدى كلمه جارحة .. ولا احسن الاحترام

أو هتاخدي سهم جارح .. إسمه نظرات الحرام

انتي زوجتي وانتي أمي وانتي أختي .. انتي للأسره الحنان

وان في مره بعدتي عنا .. قولي ع الدنيا السلام

احنا منك وانتي غاليه .. لو جمدتى نكون تمام



اقري في القرآن وسيبك .. من الأغانى مع الصحاب

بكره راح تجنيه في عملك .. مش بتامر أو دياب

اعرفي سنة رسولك .. والبسي فرضك حجاب

اوعي تلتفتي لكلامهم .. مش ده أرحم م العذاب ؟؟

لو تقيسي الدنيا ديّه .. ايه هتاخدي غير تراب ؟



الزهور بيكون ريحتها .. طول ما شوكها كتير حاميها

لو ف يوم شوكها يسيبها .. ألف إيد تتمد ليها

لو قريبة ف يوم لربك .. يفضل المولى يراعيها

خلي نورك جوه قلبك .. والإيمان هيكون ماليها



خلى مكياجك إيمانك .. مش بأحمر ع الخدود

طهري دايماً ف قلبك .. بكرة نصبح أكل دود

مش تعدي أي كلمه مهما كانت .. قفلي كل السدود

كلمي ف الناس بحالها .. والكلام دا ليه حدود



عطري روحك بذكرك .. وارضي ربك وامشي راضية

لو ف مره حد عاكسك .. مش تردي بكلمة فاضية

اوعي تدي فرصه ليهم .. وإدى ليهم ضربة قاضية



مش تقولي دول صحابي .. وف هزار طول الطريق

من هزارك انتي هونتي .. وانتي هتكوني الغريق

خلي بالك من أنوثتك .. اوعي ترضي هزار جرئ

يلسعك وهتاخدي طبعا .. والهزار نار الحريق



هو أحسن ترضي ربك .. ولا ترضي الناس بحالها ؟

الجمال ف الروح بينفع .. مش بشكلها أو جمالها

هو إيه للبنت يشفع ؟ شكلها ولا عملها ؟



دا الجمال فى الروح بيفضل .. مهما بتعدي السنين

مش تقولي أسكت احسن .. يعني هنكلم ف مين ؟

كلمي ف الناس بحالها .. مش بشدة لكن ب لين

كوني بنت بألف راجل .. إخرِسي في الطماعين



سيرة البنت العفيفة .. هي أحسن شئ يدوم

حبرها مكتوب بدينها .. مش بمكياج أو هدوم

إوعي صوتك يعلى مرة .. والرسول علم علوم

انتي ف ايديكى تكونى .. زي نور وسط الغيوم



انسي مكياجك وسيبي .. نور إيمانك يملا وشك

بدلي مرايتك بقلبك .. مستحيل قلبك يغشك

صلي فرضك وارضي ربك .. اوعي خوفك يوم يهشك



انتي أجمل الف مرة .. لو جمالك جوة قلبك

مش مهم الخلق ترضى .. المهم ترضي ربك

هو إيه فى الكون دا يغلب .. لو إله الكون دا حبك ؟؟

[ندعوك للتسجيل في المنتدى أو التعريف بنفسك لمعاينة هذه الصورة]
الرجوع الى أعلى الصفحة اذهب الى الأسفل
هاجر

avatar

عدد المساهمات : 8
تاريخ التسجيل : 25/04/2010

مُساهمةموضوع: رد: تعالى اعرفى معنى الانوثة   الجمعة 7 مايو 2010 - 3:42

تحياتى ياسندس على هذاالموضوع والالتزام جميل للمراة والرجل والى الامام دائما
الرجوع الى أعلى الصفحة اذهب الى الأسفل
 
تعالى اعرفى معنى الانوثة
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
معهد فتيات مطوبس الثانوى :: نصف المجتمع :: الفتاه المسلمة-
انتقل الى: